أنا راضي أخاوي الموت // ولا مثلك أخاوي

أخيراً جيت ياشاطر رجعت مخاوي الونات
خضعت ودمعك الثاير على الوجنه يناديني

عرفت الحين مقداري دريت إني على النيات
ولكن مامضى ماضي وأنا الحاضر عناويني

نسيت يومك تبكيني نسيت كلمة عديم الذات
نسيت يومي أغصّ باسمك وعلى الغصّه تهنيني

خساره طحت من عيني غدت ميزتك لي سيات
شطبتك من كشوف الحب ودمعي لك يواسيني

صحيح القلب من هجرك كساه الهم واللوعات
ولكن عزتي ترفضك مهما تصافحك عيني

نسيتك قالها قلب(ن) يعاني لحظة السكرات
وعلى نعش الهوى كلمة نسيتك من شراييني

خلاص مرحومي شيعته بصمتي واندفن بسكات
وتقبلت التعازي وأنت ولافكرت تعزيني

وجايني اليوم متأسف عقب ماتاهت الخطوات
عقب ماذابت عروقي وليل الياس طاويني

عقب كسرت خواطرنا تبي نرجع محال هيهات
أنا راضي أخاوي الموت ولامثلك يخاويني
م/ن